25 снежня 2017 г. – 100 гадоў з дня нараджэння Таццяны Піліпаўны Заранок (1917–2007), драматычнай актрысы, народнай артысткі БССР (1967)
Таццяна Піліпаўна Заранок нарадзілася 25 снежня 1917 года на ст. Васілевічы Рэчыцкага павета Мінскай губерні (цяпер горад Васілевічы Рэчыцкага раёна Гомельскай вобласці) у сям’і чыгуначніка. З 1930 года вучылася на драматычных курсах у Мінску, дзе выкладчыкам быў Еўсцігней Афінагенавіч Міровіч, які раскрыў талент юнай артысткі. Пасля заканчэння курсаў у 1931 годзе была накіравана ў Віцебск у Беларускі другі дзяржаўны тэатр, дзе працавала і вучылася. У 1933 годзе скончыла студыю БДТ-2, педагогамі былі М. А. Міцкевіч, А. К. Ільінскі.
5 жніўня 2016 г. – 70 гадоў з дня нараджэння Уладзіміра Андрэевіча Мішчанчука (1946), акцёра тэатра і кіно, педагога, заслужанага артыста БССР, лаўрэата спецыяльнай прэміі Прэзідэнта Рэспублікі Беларусь (2012), прэміі Федэрацыі прафсаюзаў Белару
Уладзімір Андрэевіч Мішчанчукнарадзіўся 5 жніўня 1946 года ў вёсцы Валавель Драгічынскага раёна Брэсцкай вобласці ў шматдзетнай сялянскай сям’і. У школе Валодзю навучылі любіць літаратуру, тэатр, ён ахвотна наведваў тэатральны гурток, канешне, любіў кіно.
28 мая 2016 г. – 60 гадоў з дня нараджэння Марыі Пятроўны Маршак (1956), спявачкі, салісткі Беларускага дзяржаўнага ансабля народнай музыкі “Свята”, заслужаннай артысткі Беларусі
Марыя Пятроўна Маршак (у дзявоцтве Дзенісеня) нарадзілася 28 мая 1956 года ў вёсцы Любань Лунінецкага раёна Брэсцкай вобласці ў вялікай сялянскай сям’і. Бацька, Пётр Кандратавіч Дзенісеня, працаваў электрыкам у калгасе “Новае Палессе”, маці, Таццяна Фёдараўна, выхоўвала пяцёра дзяцей і таксама працавала ў калгасе. Дзед па мацярынскай лініі Фёдар Емяльянавіч Сафановіч (1905–1987) меў прыгожы тэнар і быў спевакам на ўсю вёску.
24 красавіка 2012 г. – 65 гадоў з дня нараджэння Аляксандра Сяргеевіча Дзямешкі (1947–2006), эстраднага артыста, выканаўцы на ўдарных інструментах, заслужанага артыста Беларусі (1979)
Аляксандр Сяргеевіч Дзямешка нарадзiўся 24 красавіка 1947 года ў г. Брэсце. Вучыўся ў Брэсцкім музычным вучылішчы ў 1964–1966 гадах.
16 красавіка 2015 г. – 100 гадоў з дня нараджэння Станіслава Іванавіча Яворскага (1915–1988), акцёра, заслужанага артыста Беларусі (1959)
Станіслаў Іванавіч Яворскі нарадзіўся 16 красавіка 1915 года ў г. Брэст-Літоўску Гродзенскай губерні (цяпер Брэст). Тэатральнаму мастацтву навучаўся ў студыі (мастацкі кіраўнік Леў Маркавіч Літвінаў) пры Беларускім першым дзяржаўным тэатры (БДТ-1), якую скончыў у 1938 годзе. Студыя дзейнічала ў 1936–1938 гадах, яе закончылі таксама народная артыстка СССР і БССР Галіна Кліменцьеўна Макарава, народны артыст БССР Сяргей Сцяпанавіч Бульчык і інш.
15 лютага 2014 г. – 70 гадоў з дня нараджэння Вольгі Паўлаўны Шутавай (1944–1999), спявачкі, заслужанай артысткі БССР
Вольга Паўлаўна Шутава (дзявочае прозвішча Цішук) нарадзілася 15 лютага 1944 года ў сялянскай сям’і ў вёсцы Загародная Камянецкага раёна Брэсцкай вобласці.
24 мая 2013 г. – 95 гадоў з дня нараджэння Мікалая Іосіфавіча Шошчыца (1918–1996), заслужанага артыста Рэспублікі Беларусь, мастацкага кіраўніка і дырыжора харавых калектываў
Мікалай Іосіфавіч Шошчыц нарадзіўся 24 мая 1918 года ў вёсцы Гальчынцы Тэафіпальскага раёна Хмяльніцкай вобласці (Украіна).
6 красавіка 2013 г. – 70 гадоў з дня нараджэння Міхаіла Аляксандравіча Зданевіча (1943), спевака, педагога, заслужанага артыста Беларусі
ЗданевічМіхаіл Аляксандравіч нарадзіўся 6 красавіка 1943 года ў вёсцы Аркадзія Брэсцкага раёна Брэсцкай вобласці. У 1963 годзе ён скончыў Брэсцкае музычнае вучылiшча па спецыяльнасці спевы. У 1972 годзе скончыў Беларускую кансерваторыю (клас С. Асколкава).
9 студзеня 2013 г. – 65 гадоў з дня нараджэння Леаніда Уладзіміравіча Нікольскага (1948), беларускага спевака (барытон), заслужанага артыста Беларусі
Нікольскі Леанід Уладзіміравіч нарадзіўся 9 студзеня 1948 года ў вёсцы Гнеўчыцы Іванаўскага раёна Брэсцкай вобласці ў сям’і праваслаўнага святара Уладзіміра Канстанцінавіча Нікольскага. Бацька ў свой час служыў у Гнеўчыцкім, а затым – Стрэльнянскім праваслаўных храмах. У сям’і расло сямёра дзяцей, і ўсе яны выхоўваліся на праваслаўных традыцыях.